Maliit man na bagay para sa iba, ang mahalaga ay nakapagdulot ito ng saya. Katulad na lamang sa isinagawang aktibidad ng mga tauhan ng Santa Ignacia MPS sa ilalim ng pamumuno ni PMaj Ruperto F Calosa Jr., Acting Chief of Police kasama ang mga miyembro ng Barangay-based at Women Advocacy Support Group sa Barangay Baldios, Santa Ignacia, Tarlac. Kung saan sa nasabing aktibidad ay pinasaya nila ang mga batang residente doon sa pamamagitan ng isang “Feeding Program”.
Tuwa at ngiti naman ang isinukli ng mga bata sa ating mga kapulisan at miyembro ng Advocacy Support Group bilang kanilang pasasalamat sa mga ito.
Layunin ng aktibidad na ito ng kapulisan na makatulong at makapagbigay saya sa ating mga kababayan na labis na nakakaramdam ng hirap at kalungkutang dulot ng pandemya.
