Naghatid ng iba’t ibang serbisyo ang Pamahalaan Lungsod ng San Jose sa mga residente ng Barangay Sinipit Bubon, San Jose City, Nueva Ecija nito lamang Biyernes, ika-12 ng Mayo 2023.
Ang aktibidad ay pinangunahan nina Hon. Kokoy Salvador, City Mayor at Hon. Ali Salvador, Vice Mayor kasama ang iba pang Sangguniang Panlungsod ng San Jose.
Nagkaroon ng pamimigay ng libreng reading glasses, wheelchair, cedula at mga food packs sa mga residente.
Mayroon ding libreng medical at dental check-up.
Nagbigay rin ng kaalaman ang mga pulisya patungkol sa iba’t ibang batas at mga paalala upang maiwasan ang kriminalidad sa lugar.
Patuloy ang San Jose City Government sa paghahatid ng tulong at serbisyo sa mga mamamayan sa kanilang nasasakupan.
