Abra – Nasawi sa engkwentro ang isang miyembro ng New People’s Army (NPA) sa pagitan ng mga awtoridad at ng mga rebelde sa Sitio Lamunan, Barangay Gacab, Malibcong nito lamang Oktubre 3, 2023.
Ang nasawing rebelde ay kasali sa Komiteng Larangang Guerilla North Abra (KLG North Abra).
Narekober din sa lugar ang isang M14 rifle, isang M4A1 Carbine rifle, apat na magazines, 42 na piraso ng carbine rifle ammunition, 16 na piraso ng M14 ammunition, mga personal na gamit, mga dokumento , medical supplies, mga gamot, cooking materials, at backpack.
Napag-alaman din na ang ilan sa mga miyembro ng rebeldeng grupo ay nanggaling sa Mindanao at Ilocos Cordillera Regional Committee naman ay pinamumunuan ni alyas “Awry” na nanggaling din sa Mindanao na may planong palakasin ang KLG North Abra.
Nanawagan naman ang mga awtoridad sa natitirang miyembro ng NPA na sumuko at magbalik-loob sa gobyerno upang makamit ang tunay na kapayapaan at kaunlaran sa ating inang bayan.
Source: PIA Abra
