Isang miyembro ng New People’s Army (NPA) ang sumuko sa mga awtoridad sa Camp Gov. Elias Bulut Sr., Santa Lina, Luna, Apayao nito lamang ika-13 ng Disyembre 2023.
Kinilala ang sumuko na si alyas “Sakbay”, 57, magsasaka, residente ng Pudtol, Apayao, at miyembro ng West Front Committee KOMPROB Cagayan, KR-CV.
Napag-alaman na isiniwalat ni alyas Sakbay ang kinaroroonan ng mg explosive cache ng NPA na nakatago sa Sitio Agura, Malibang, Pudtol, Apayao.
Nagresulta ang operasyon sa pagkadiskubre ng mga kagamitang pampasabog gaya ng isang Fuse Time, Commercial- 226 ft, dalawang pirasong Granada, rifle, M76, (High Explosive), isang pirasong – Granada, rifle, M76, (HE) na walang fin, isang 60 mm Cartridge, (HE), tatlong pirasong – Handheld Radio (Baofeng), at dalawang pirasong – Radio charger.
Patuloy ang panawagan ng pamahalaan sa mg natitira pang miyembro ng NPA na sumuko at magsimulang muli kapiling ang kanilang sariling pamilya.
