Nakiisa ang mga miyembro ng Narvacan Fitness Group sa Blood Nation Drive sa pangunguna ni Ginang Susan Sanidad, Unang Ginang ng Bayan ng Narvacan, Ilocos Sur.
Ang Bloodletting Drive ay inisyatibo ng lokal na pamahalaan ng Narvacan sa pamumuno ni Mayor Pablito Sanidad at ng Rural Health Unit na pinangungunahan naman ni Dra. Angela Gurion.
Sa paliwanag ni Dr. Gurion, ang dugong naibigay ay malaking tulong sa pagsagip ng mga buhay dahil ito ay idedeposito sa Bloodbank ng Lalawigan ng Ilocos Sur.
Nakahanda ang mga nasidepositong dugo para mga residente sakaling kailanganin ng pagsasalin ng dugo.
Ang Bloodletting Drive ay dinaluhan ng mga opisyal at miyembro ng Narvacan Fitness Group.
Ang grupo ay kilala rin sa pagiging aktibo sa pagsasagawa ng Feeding Program para sa mga bata.
Nagpasamalat naman si Mayor Pablito Sanidad sa pagiging aktibo at sa suporta ng nasabing grupo sa mga iba’t ibang adhikain ng lokal na pamahalaan.
Ang nasabing Bloodletting Drive ay isinagawa sa Brgy. Bolanos, Narvacan, Ilocos Sur.
Source: Narvacan Naisangsanagayan
Panulat ni Malayang Kaisipan
