Ang paligid ng Narvacan Farmers Market ay kasalukuyang pinapatayuan ng mga establisyimento upang maging isang bagong sentro ng pamahalaan sa lokalidad ng Narvacan, Ilocos Sur.
Bilang karagdagan sa bagong bulwagan ng munisipyo na itinatayo sa kanlurang bahagi, isang bagong istasyon naman ng pulisya ang itinayo sa katimugang bahagi.
Nakasentro din ang dancing fountain na pangunahing atraksyong patok sa mga turista.
Bukod dito, isang Circumferential Road ang ginagawa upang mapanatiling ligtas ang mga papasok at papalabas na sasakyan.
Isang bentahe ng bagong pampublikong pamilihan ay ang lawak nito at maraming parking space.
Ang iba pang gusali ng negosyo sa Narvacan Farmers Market ay unti-unting inilipat sa pampublikong pamilihan.
Mayroon ding Fine Dining at malalaking Restaurant, bukod pa sa maluwag na Food Court sa loob ng Public Market.
Panulat ni Malayang Kaisipan
Source: Narvacan Naisangsangayan
