Matagumpay ang isinagawang 4th Executive Committee Meeting ng Pamahalaang Panlalawigan ng Isabela na ginanap sa Green Room, Isabela Provincial Capitol nito lamang ika-3 ng Enero 2025.
Ang naturang talakayan ay pinangunahan ni Vice Governor at Bambanti Festival 2025 Director General Faustino “Bojie” G. Dy III upang talakayin ang mga itatampok na aktibidad, at plano ukol sa pinansyal na aspeto at seguridad para sa masaya at matagumpay na pagdaraos ng pinakamalaking piyesta sa lalawigan ng Isabela.
Kabilang sa mga aktibidad na tampok sa festival ay ang Queen Isabela 2025, kung saan bawat isa ay magpapamalas ng kanilang adbokasiya, talento, ganda, at katalinuhan upang makamtan ang titulo.
Samantala, ang Bambanti Festival ay taunang selebrasyon na isinasagawa sa lalawigan na naglalayong ipagdiwang ang makulay na kultura at tradisyon ng mga Isabeleño.
Source: Isabela PIO
