Alas siyete-kinse ng umaga noong ika-1 ng Agosto 2023 nang makatanggap ang himpilan ng Santa Municipal Police Station ng tawag mula sa isang concerned citizen tungkol sa umaalingasaw na amoy na nagmumula sa loob ng isang nakaparadang Nissan Navarra sa gilid ng National Highway sa Brgy. Magsaysay, Santa, Ilocos Sur.
Kaagad na rumesponde ang mga awtoridad sa nasabing tawag at kanilang nadiskubre ang nangangamoy nang bangkay ng lalaki sa loob ng nasabing sasakyan.
Ang biktima ay natagpuang nakaupo sa backseat sa likod ng passenger seat.
Bukod sa biktima ay nadiskubre din sa loob ng sasakyan ang limang basyo ng kapsula mula sa hindi pa nakikilalang kalibre ng baril, isang iphone cellular phone, at identification card na may pangalang Jose R. Lucina Jr. ng Department of Agrarian Reform, Province of Quirino.
Sa kasalukuyan ay patuloy pa na iniimbestigahan ng Santa PNP ang insidente at iniaalam ang pagkakakilanlan sa biktima.
Source: Santa Municipal Police Station
Panulat ni Malayang Kaisipan
