Idineklara nang Insurgency Free ang Munisipalidad ng San Guillermo na ginanap sa Municipal Hall, Brgy. Centro Uno ng naturang munisipalidad noong ika-16 ng Oktubre 2023.
Idineklara itong Insurgency Free dahil sa walang naitalang anumang presensya o bayolenteng aktibidad at paghihikayat ng mga makakaliwang grupo mula taong 2021 hanggang sa taong kasalukuyan.
Nakatulong rin dito ang patuloy na pinaigting na pagsasagawa ng kapulisan ng San Guillermo na mahusay na pinamumunuan ni Police Major Merwin Villanueva sa pagsasagawa ng mga aktibidad na may kaugnay sa Executive No. 70 o NTF-ELCAC na nagpapatibay sa ugnayan ng pulisya at komunidad.
Ang Ceremonial Declaration of Insurgency Free ay pinangunahan ni Provincial Director Police Colonel Julii Go, kasama sina Municipal Mayor, Hon. Felipe N Guyud; 502nd Brigade, 5ID, Philippine Army; NICA 2; at 86th Infantry Battalion, 5th Infantry Division, Philippine Army.
Source: Isabela PPO, PIO
