Sugatan ang isang motorcycle rider matapos itong mahulog sa ilalim na tatlong metro sa Sitio Opey, Poblacion, Sadangan, Mt. Province nito lamang ika-21 ng Pebrero 2023.
Kinilala ang biktima na si Binky T. Falitnang, residente ng Saclit, Sadanga, Mt. Province.
Batay sa ulat ng Sadanga PNP, galing Sadanga Municipal Hall ang biktima at patungong Opucan, Poblacion, sakay ng kanyang motorsiklo nang makasalubong ang isang sasakyan dahilan upang siya ay kumabig sa gilid ng kalsada ngunit nawalan ng balanse at nahulog ang biktima na may lalim na tatlong Metro.
Agad namang rumesponde ang mga tauhan ng RHU Sadanga, Sadanga PNP at volunteers upang bigyan ng first-aid ang biktima at agad dinala sa Luis Hora Regional Memorial Hospital, Bauko, Mt. Province.
Pinapayuhan ang mga motoristsa na maging maingat at alerto sa pagmamaneho upang makaiwas sa mga posibleng aksidente.
