Narekober ang mga gamit pampasabog ng New People’s Army (NPA) mula sa inabandonang kampo sa ikinasang operasyon ng mga otoridad sa Sitio Mapao , Brgy. Gueday, Besao, Mountain Province nito lamang ika 15, Oktubre 2024.
Nakuha mula sa operasyon ang 10 piraso ng Ammonium Nitrate–Fuel Oil sa ice candy wrappers, anim na piraso ng Improvised Explosive Device (IED) container, apat na pirasong dynamite sticks, isang IED grenade, subersibong dokumento, at iba pang personal na gamit.
Sa tulong at kooperasyon ng mamamayan, unti-unting naglalaho ang mga salot na NPA sa lipunan na walang ibang dala kundi karahasan, krimen at terorismo para sa kanilang maling ideolohiya na pinaglalaban.
