Natagpuan ng mga awtoridad ang mga gamit at armas ng New People’s Army (NPA) sa isang abandonadong kampo sa Mt. Ampacao, Balugan, Sagada, Mt. Province nito lamang Agosto 15, 2023.
Batay sa ulat ng Mt. Province Police Provincial Office, nadiskubre ang nasabing kampo habang nagsasagawa ng Reconnaissance at Combat patrol operation at tumambad ang watawat ng NPA, isang short M16 Magazine, 30 liters gallon na may laman na isang litro ng gasolina, mga watawat na may marking “Bagong Hukbong Bayan”, “Cordillera People’s Democratic Front” at CPP NDFP at ilang pang mga personal na gamit na pinaniniwalaang gamit at armas ng Weakend Guerilla Front AMPIS.
Patuloy naman ang Mt. Province PNP sa pagsasagawa ng mga operasyon kontra insurhensiya at terorismo. Hinihikayat ang mga miyembro ng mga komunistang grupo na sumuko upang mamuhay ng ligtas at payapa kapiling ang kanilang mga sariling pamilya.
