Pinangunahan ng mga tauhan ng Municipal Environment and Natural Resources Office ang isinagawang clean-up drive sa Barangay Poblacion 2, Casiguran, Aurora nito lamang Huwebes, ika-7 ng Disyembre 2023.
Kalahok sa aktibidad ang mga tauhan ng Aurora PNP, mga miyembro ng Women Sector Community, Lingkod Bayan Advocacy Support Group at mga miyembro ng Barangay Peacekeeping Action Teams (BPATs).
Nagtulungan sa paglilinis ng kapaligiran sa pamamagitan ng pamumulot ng mga plastik at pagwawalis sa gilid ng kalsada.
Patuloy ang pagtutulungan ng iba’t ibang ahensya lalo na sa pagpapanatili ng kalinisan ng kapaligiran at pangangalaga ng kalikasan.
