Nagsagawa ng isang Medical Mission ang Pamahalaang Panlalawigan ng Tarlac para sa mga residente ng Barangay Bilad, Camiling Tarlac nito lamang Biyernes, ika-6 ng Oktubre 2023.
Pinangunahan ito ng mga tauhan ng Provincial Health Office, Tarlac Provincial Hospital, Provincial General Service Office, Provincial Equipment Pool Office at Provincial Disaster and Risk Reduction Management Office.
Nagkaroon ng libreng konsulta sa kalusugan, ngipin, blood chem at blood donation.
Mayroon din pamimigay ng libreng gamot, bitamina at limang kilong bigas para sa mga mamamayan.
Sinisiguro ng Pamahalaang Panlalawigan ng Tarlac na patuloy silang maghahatid ng tulong at serbisyo ng gobyerno sa mga mamamayan sa kanilang nasasakupan.
