Nagsagawa ng libreng serbisyong medikal ang Pamahalaang Lungsod ng Tarlac sa mga residente ng Barangay San Roque, Tarlac City nito lamang Miyerkules, ika-2 ng Abril, 2025.
Pinangunahan ni Mayor Cristy Angeles, ang aktibidad sa tulong ng 10 Rural Health Unit sa lungsod, katuwang ang Barangay Health Workers at mga Barangay Nutrition Scholars.
Bukod sa libreng medikal, dental check-up at mga gamot, nagkaroon din ng pagkakataon ang mga nakatatanda na magpasuri upang matukoy kung may karamdaman.
Gayundin, nabigyan ng sapat na gabay ang mga buntis upang matiyak ang kanilang kalagayan.
Patuloy ang pamahalaan katuwang ang iba’t- organisasyon sa pagbibigay ng mas malawak, epektibo, at de-kalidad na serbisyong pangkalusugan sa mga mamamayan, lalo na sa mga higit na nangangailangan.
