Matagumpay na isinagawa ang Medical and Dental Mission sa simbahan ng St. Isidore the Farmer Parish sa Nabaccayan, Gattaran, Cagayan noong ika-9 ng Disyembre 2023.
Ayon kay Dra. Rhea Daquilan, Chief ng Gattaran Emergency Hospital, ang aktibidad ay base sa imbitasyon at inisyatibo ni Rev. Fr. Ramiro P. Geronimo sa GEH kung saan ay pinangunahan naman ito nina Dr. Neolita Dela Cruz at Dr. Gilbert Ancheta.
Nabigyan ng libreng serbisyong medical at dental ang 556 na pasyente.
Kaugnay rito, bahagi rin sa aktibidad ang pagbasbas ni Rev. Fr. Geronimo sa bagong renovated na simbahan sa Nabaccayan, Gattaran. Source: Cagayan Provincial Information Office
