Ipinamahagi ng Pamahalaang Panlalawigan ng Pampanga ang mahigit Php3.4 milyong halaga ng tulong medikal para sa 199 na kabalen na may sakit sa Pampanga nito lamang Lunes, ika-8 ng Hulyo 2024.
Ang naturang aktibidad ay pinamunuan ni Hon. Dennis Pineda, Governor ng nasabing lugar kasama sina Hon. Lilia Pineda, Vice Governor at Mylyn Pineda-Cayabyab, Executive Assistant IV.
Labis ang pasasalamat ng mga benepisyaryo dahil mismong ang mga nasabing namuno sa aktibidad ang nag-asikaso at personal na kumausap kasama ang mga tauhan ng Governor’s Medical Assistance Office.
Layunin ng aktibidad na matulungan at mapabuti ang kalagayan ng bawat kabalen lalo na yung may mga sakit.
