Nasawi ang isang magsasaka matapos masagasaan sa kahabaan ng Tabuk-Rizal National Road, Kalinga nito lamang Setyembre 1, 2023.
Kinilala ang biktima na si Francisco Madarang Daluping, 76 anyos, may asawa, magsasaka at residente ng Nambaran, Tabuk City, Kalinga.
Ayon sa ulat ng Tabuk PNP, habang naglalakad ang biktima sa Tabuk-Rizal National Road ay bigla na lamang itong binangga ng isang gray Toyota Fortuner na may Plate No. NAH 8685 na nanggaling sa Bulanao, Tabuk City at patungo sa Rizal, Kalinga.
Patuloy ang pakikipag-ugnayan ng Tabuk PNP para malaman ang pagkakakilanlan ng drayber ng Toyota Fortuner at nanawagan ng tulong sa mamamayan upang mas mapabilis ang imbestigasyon at mabigyan ng hustisya ang pagkamatay ng biktima.
