Boluntaryong isinuko ng isang barangay opisyal ang isang loose firearm sa mga tauhan ng Luna Municipal Police Station sa Brgy. Cagandungan, Luna, Apayao nito lamang ika-17 ng Setyembre 2024.
Ang nasabing armas ay isang homemade 12 gauge shotgun na walang marka at bala. Ang pagsuko ay resulta ng mas pinaigting na PNP’s Intensified Campaign against Loose Firearm sa pamamagitan ng barangay visitation at information dissemination ng kapulisan na may layunin na makalap at mahanap lahat ng loose firearms para maiwasan na magamit ito sa krimen at mapanatili ang seguridad at kaligtasan ng mamamayan sa bawat komunidad.
Patuloy pa rin ang panawagan ng PNP sa mga mamamayan na isuko ang mga baril na walang kaukulang dokumento para maiwasan ang pagkaroon ng kaso.
