Isang loose firearm ang isinuko ng isang concerned citizen sa himpilan ng Barlig Municipal Police Station sa Gawana, Barlig, Mt. Province nito lamang ika-16 ng Oktubre 2023.
Ang nasabing loose firearm na isang caliber .32 Revolver, na may markang RUBY EXTRA, walang serial number at walang ammunition.Ang naturang pagsuko ay resulta ng mas pinaigting na kampanya kontra loose firearm ng Barlig PNP sa ilalim ng LOI Kontra Boga na kanilang ipinapatupad tuwing sila ay nagsagawa ng barangay visitation at community engagement at hinikayat ang mga iba pang may-ari ng baril na walang kaukulang dokumento na isuko sa kanilang himpilan upang maiwasang magkaroon ng kaso.
