Tinurn-over ng Local Government Unit ng Baguio City ang 100 Hytera Smart IP Radio para sa Baguio City PNP na isinagawa sa Multi-Purpose Hall, Baguio City Police Office, Baguio City nito lamang Miyerkules, Oktubre 5, 2022.
Ang natanggap na donasyon mula sa LGU ng Baguio City ay 100 units ng Hytera Smart IP Radio na tinatayang nagkakahalaga ng Php 7,200,000.
Ang pagturn-over ng naturang 100 Hytera Smart IP Radio ay naging possible sa ilalim ng pamumuno ni Hon. Benjamin B. Magalong, City Mayor ng Baguio City.
Pasasalamat naman ang tugon ng Baguio PNP sa pangunguna ni Police Colonel Gleen D Lonogan, City Director sa mga kagamitang ibinahagi sa mga miyembro ng Baguio PNP malaking tulong upang mas lalong mapabilis ang komunikasyon lalo na sa pagreresponde at pagpapanatili ng kaayusan at katahimikan sa Baguio City.
