Alaminos City, Pangasinan – Ngaung araw sinimulan ang “Basic First Aid Training Program” para sa mga kawani ng pamahalaang lungsod ng Alaminos City, Pangasinan nito lamang Oktubre 04, 2022.
Ang naturang aktibidad ay programa ng Philippine Red Cross Western Pangasinan Chapter sa pamumuno ni Ms. Maricon Dawang katuwang ang lokal na pamahalaang lungsod ng Alaminos City, Pangasinan.
Lubos naman na nagpapasalamat si Mayor Arth Bryan C. Celeste sa naturang ahensya sa kanilang inisyatibo na makakatulong sa patuloy na pagpapataas ng kalidad na serbisyo at tulong para madagdagan ang kanilang kaalaman na magagamit sa pang araw araw nilang trabaho.
Samantala patuloy naman si Mayor Arth Bryan C. Celeste, kasama ang iba’t ibang organisasyon para makiisa at makipagtulungan sa mamamayan sa pagsasagawa ng iba’t ibang aktibidad at programa na makakatulong at makakapagbigay ng mas kalidad na kaalaman para sa mga kawani ng pamahalaang lungsod ng Alaminos City, Pangasinan.
