Nagsagawa ng Livelihood Training Program para sa mga kababaihan na miyembro ng Barangay Health Worker na ginanap sa ABC Hall, Camiling, Tarlac nito lamang Huwebes, ika-23 ng Marso 2023.
Pinangunahan ito ng mga tauhan ng Provincial Social and Development at Municipal Social Welfare and Development sa ilalim ng pamumuno ni Hon. Susan Yap, Provincial Governor.
Ang aktibidad ay kaugnay sa pagdiriwang ng National Women’s Month 2023 kung saan ay tinuruan ang mga Barangay Health Worker sa paggawa ng hopia.
Layunin ng aktibidad na makapagbigay kaalaman at mahasa ang kasanayan ng mga kababaihan sa paggawa ng pagkaing hopia na magagamit sa pagtatayo ng pangkabuhayan.
