Tuloy-tuloy na umaarangkada ang libreng spay at neuter program para sa mga alagang fur-baby na ginanap sa Veterinary Office ng Tarlac City Hall, Tarlac nito lamang Sabado, ika-25 ng Nobyembre 2023.
Ang naturang programa ay pinamunuan ni Hon. Cristy Angeles, Mayor ng Tarlac City katuwang ang City Veterinary Office at International Wildlife Coalition Trust (IWCT).
Umabot sa 50 na aso at pusa ang sumailalim sa naturang operasyon.
Ito ay naglalayong mabawasan ang pet overpopulation at mga homeless pets sa kanilang nasasakupan.
Patuloy ang paghihikayat ng Lokal na Pamahalaan ng Tarlac City sa kanilang nasasakupan na makipag-ugnayan sa kanilang opisina upang sumailalim ang kanilang mga alagang hayop sa nasabing programa.
