Nagsagawa ng libreng kapon at ligate nitong Nobyembre 15, 2022 ang Provincial Veterinary Office para sa mga alagang aso at pusa sa Cagayan Animal Breeding Center sa Zitanga, Ballesteros, Cagayan.
Layunin ng nasabing aktibidad na maihatid ang serbisyo ng PVET sa lahat ng mga Pet Owners sa lalawigan.
Ayon kay Dr. Myka Ponce, Veterinarian II ng PVET, umabot sa labintatlong (13) aso at pusa ang naserbisyohan ng kanilang opisina kung saan pito (7) ang na-ligate at anim (6) naman ang nakapon.
Ipinabatid din ng PVET na ang ganitong programa ay kanilang isasagawa kada-buwan at hinikayat nila ang mga Pet Owners na magpalista na sa Breeding Center upang ma-avail ang serbisyo para sa kanilang mga alaga.
Source: Cagayan Provincial Information Office
