Nakiisa ang mga tauhan ng Local Government Unit ng Bamban sa isinagawang Clean-up Drive sa Barangay Lapaz, Bamban, Tarlac nito lamang Sabado, ika-12 ng Agosto 2023.
Nakipagtulungan rin sa aktibidad ang Bamban PNP at mga miyembro ng Lingkod Bayan Advocacy Support Group at Force Multipliers.
Matagumpay na nalinis ang kapaligiran sa pamamagitan ng kanilang pagwawalis at pamumulot ng mga basura sa gilid ng kalsada.
Ang aktibidad ay naglalayong mapanatili ang kalinisan ng kapaligiran at matanggal ang mga maaaring pamugaran ng mga peste na nagdudulot ng sakit sa pamayanan.
