Wala ng buhay ang isang lalaki matapos pagbabarilin ng hindi pa nakikilalang suspek sa Sitio Maliag, Brgy. Abualan, San Juan, Abra nito lamang ika-2 ng Marso 2023.
Batay sa ulat ng San Juan PNP, agad rumesponde ang kanilang mga tauhan matapos makatanggap ng tawag mula sa isang concerned citizen na mayroong naganap na pamamaril sa nasabing lugar.
Nadatnan ang biktima na nakahandusay malapit sa kanyang motorsiklo na may tama ng bala sa kanyang likuran na sanhi ng kanyang dagliang pagkamatay.
Patuloy naman ang imbestigasyon ng mga awtoridad sa pagkakakilanlan ng biktima at ang motibo ng suspek sa likod ng pagpatay.
