Arestado ang isang lalaki dahil sa paglabag sa hindi lisensydong baril sa Bulanao Market, Tabuk City, Kalinga nito lamang ika-26 ng Oktubre 2024.
Nabatid na ang nasabing baril ay isang calibre 45, may serial number na P1539480 at may marking na M1911-A1CS na may isang magazine at tatlong bala ng live ammunition.
Batay sa ulat, isang mamamayan ang nagreport sa Tabuk City Police Station na may lalaking naka-asul na sweatshirt at shorts na may baril na nakasuksok sa kanyang baywang.
Agad namang rumesponde ang mga tauhan ng Tabuk PNP at nakita ang inireport na lalaki na may dalang baril, dahil nabigong magpakita ng lisensya ng baril, agad itong inaresto.
Patuloy na hinihikayat ng Tabuk PNP ang mga residente sa kanilang lugar na isuko ang mga baril na walang lisensya upang maiwasan magkaroon ng kaso.
