Patuloy na inihandog ng Pamahalaang Panlalawigan ang “Kapitolyo sa Barangay” Program sa mga residente ng Barangay Rafael, Mexico, Pampanga nito lamang Huwebes, ika-18 ng Hulyo 2024.
Ang naturang programa ay pinamunuan ni Hon. Dennis Pineda, Gobernador ng Pampanga, kasama sina Board Member Lucky Labung, PDRRM Chief Angelina Blanco, at mga kapitan ng nasabing barangay.
Labis ang tuwa at pasasalamat ng mga benepisyaryo dahil nakatanggap ng food packs at cash assistance, na malaking tulong sa kanilang pang-araw-araw na pangangailangan.
Layunin ng Pamahalaang Panlalawigan na matulungan ang lahat ng nangangailangan sa kanilang nasasakupan.
