Muling umarangkada ang “Kapitolyo sa Barangay” Program ng Lokal na Pamahalaan ng Pampanga para sa mga residente na isinagawa sa Barangay San Juan, City of San Fernando, Pampanga nito lamang Martes, ika-10 ng Setyembre 2024.
Ang programa ay personal na inihatid ni Hon. Dennis “Delta” Pineda, Governor ng naturang probinsya, na nilahukan ng mahigit na 490 kabalen ng nasabing Barangay.
Nagbigay ng cash incentives at food packs sa mga benepisyaryo na laking pasasalamat ng mga ito.
Bukod dito, Si Nanay Gina, isang solo parent, ay binigyan ng tulong at pinangakuan ni Gov. Pineda na sagutin ang para sa edukasyon ng kanyang mga anak na labis na ikinagalak nito.
Ang ganitong mga inisyatibo ay nagpapalakas sa tiwala ng mga tao sa pamahalaan at tumutulong sa pagsasakatuparan ng layunin na masiguro ang mas maliwanag na kinabukasan para sa mga kabataan at pamilyang nangangailangan.
