Nadiskubre at narekober ng mga otoridad ang mga kagamitang pandigma ng New People’s Army sa isang abandonadong kampo sa Gueday, Besao, Mountain Province nito lamang ika-13 ng Hulyo 2023.
Napag-alaman na ang mga narekober ay isang bandolier, apat na piraso ng extension wire, dalawang piraso ng ruled wire/ allied brand, isang pirasong ICOM IC-V82, 4 na cellphone charger, isang pirasong ST-1000VA/AC Automatic Voltage regulator, dalawang bolo, dalawang sleeping bag, anim na pirasong trapal, sari-saring damit panlalaki at pambabae, sari-saring drum, tatlong stick dynamite commercial na may marking na Nitro EM 1500 Emulsion, dalawang IED (Lemor type), isang hand grenade M67, isang pirasong lagari, isang pares na tsinelas, isang eye glasses at 15 pirasong sako.
Patuloy ang panawagan ng pamahalaan sa mga natitira pang miyembro ng NPA na magbalik-loob sa gobyerno upang tuluyang matuldukan ang insurhensiya at terorismo sa ating bansa.
