Nakapasa bilang isang scholar sa pitong prestihiyosong International Universities ang isang graduating senior high student mula sa Santo Tomas, Isabela.
Ibinahagi ni Benjamin Baui, 17 anyos, ang kanyang pagkapasa sa admission exam ng Xavier University, Bently University, Arizona State University, Merrimack College, Syracuse University, Jacobs University, at The University of Arizona; pawang mga paaralan sa Estados Unidos.
Ayon kay Benjamin, may napupusuan na siyang papasukang unibersidad at gusto niya na kunin ang kursong Architecture.
Ngunit nangangamba siya na maging balakid ang isyung pinansyal dahil na din sa pandemya na lubhang nakaapekto sa negosyo ng kanilang pamilya.
Sinabi ni Benjamin sa kanyang panayam sa isang TV station na nais niyang sunggaban ang oportunidad na ito.
Layunin din niyang hingin ang suporta ng gobyerno sa pagtupad ng kanyang pangarap.
Source: PIA 2
