Ipinagdiwang ang ika-35 Buwan ng Cordillera sa Sitio Pagugu, Dupligan, Tanudan, Kalinga nito lamang Hulyo 11, taong kasalukuyan.
Ang pagdiriwang ay bilang bahagi ng pagkakaisa at pag-unlad ng lalawigan ng Kalinga na may temang “One Autonomous Cordillera”.
Nagkaroon ng Thanksgiving Mass bilang pasasalamat dahil sa pagtitipon-tipon at pagkakaisa ng mga matataas na opisyal ng pamahalaan, iba’t ibang tribo sa nasabing lalawigan at mga tauhan ng Rizal Municipal Police Station.
Nagkaroon din ng “Unity Gong” na ibig sabihin ay hudyat ng pagkakaisa.
Sinigurado din ang mahigpit na pagbabantay at paghahanda ng mga kapulisan para sa posibleng banta ng kriminalidad.
Ang pagdiriwang ay nagtapos sa isang “Cultural Dance” ng mga katutubo sa nasabing lugar.
