Naghatid ng tulong ang Lokal na Pamahalaan ng Angeles City sa pamamagitan ng pamimigay ng Financial Assistance para sa mga senior citizens sa Barangay Malabanias, Angeles City nito lamang Huwebes, ika-10 ng Agosto 2023.
Ito ay pinamunuan ni Honorable Carmelo Lazatin Jr., Mayor ng Angeles City kasama ang Office of the Senior Citizens Affairs sa pangunguna naman ni Eduardo Torres.
Ayon sa ulat ng Office for Senior Citizens Affairs, umabot sa 2,789 na senior citizens ang nabigyan ng Php1,000 financial assistance at 90 pirasong libreng vitamin C.
Hinahatid ng mga awtoridad o house to house delivery ang mga tulong na binibigay sa mga senior citizens upang di na sila mahirapang pumila.
Kabilang sa prayoridad ng pamahalaan ng Angeles City ang kapakanan at kalusugan ng mga senior citizens na naglalayon na lahat sa kanilang nasasakupan ay nabibigyang pansin ang kanilang pangangailangan lalo na sa pagpapanatili ng maayos na kalasugan.
