Nadiskubre ng isang indibidwal ang isang hand grenade sa San Juan West, Pilar, Abra nito lamang Pebrero 16, 2023.
Ang nasabing pampasabog ay natagpuan ni Ginoong Jeramel Ferido Dela Rosa, 43 at residente ng nasabing lugar, sa likuran ng kanyang bahay na kaagad naman niyang iniulat sa awtoridad.
Rumesponde naman agad ang mga tauhan ng Pilar Municipal Police Station at itinawag ito sa Provincial Tactical Operation Center (PTOC), at Provincial Explosives Ordinance Disposal and Canine Unit (PECU) ng Abra PNP.
Napag-alaman ng mga awtoridad na ang pampasabog ay isang uri ng hand grenade MK2 High Explosive na walang safety lever at corroded condition kaya nagsagawa kaagad ng Render Safety Procedure (RSP) upang masiguro ang hindi na pagsabog ng granada.
