Inilunsad ang Grand Opening ng 1st Mayor’s Cup Badminton, Table Tennis at Billiards Tournament sa Alaminos City Sports Complex, Alaminos, Pangasinan nito lamang Sabado, Hulyo 2, 2022.
Pormal na sinimulan ang programa sa pagbabahagi ng welcome remarks ni SK Federation President Loverly V. Bernabe.
Dumalo din at nagbigay ng mensahe ng pakikiisa sila Former Vice Mayor Anton Y. Perez at City Councilor Arthur C. Celeste Jr. at bukod sa kanila ay nakiisa din si City Councilor Kevin Theus O. Humilde.
Sa mensahe ni Mayor Arth Bryan C. Celeste, tinalakay niya ang kahalagahan ng pagiging aktibo ng mga kabataan sa iba’t ibang klase ng sports at hinikayat din niya ang lahat na panatilihin ang “spirit of sportsmanship” dahil dito nagsisimula ang pagbuo ng pakikipagkaibigan at pakikipagtulungan.
Patuloy naman ang City Government of Alaminos sa paglunsad ng mga aktibidad at programa kung saan makikinabang ang kanilang nasasakupan upang mas guminhawa ang kanilang buhay at upang mas dumami ang oportunidad na maaari nilang pasukan.
Source: Local Government Unit of Alaminos City, Pangasinan
