Nagsagawa ng Gender and Development (GAD) Mapping ang 4ps Regional Program Management Office sa Binmaley, Pangasinan nito lamang Huwebes, ika-17 ng Agosto 2023.
Ang nasabing aktibidad ay dinaluhan ng 4ps Parent Leader at kinatawan ng iba’t ibang ahensya kabilang ang Philippine National Police, Department of Education, Commission on Population Development, Rural Health Unit, Municipal Social Welfare and Development Office at Local Government Unit ng nasabing lugar.
Ayon sa 4Ps, naniniwala sila na sa pamamagitan ng aktibidad na ito ay mas mapapaigting pa ang mga istratehiya upang matulungan ang mga benepisyaryo na mas lalong makasunod sa mga kondisyon ng programa at tuloy-tuloy ang pag-unlad ng kanilang buhay.
Hindi naman titigil ang 4ps Regional Program Management Office sa pagtulong sa kanilang mga kababayan sa rehiyon uno na guminhawa ang kanilang pamumuhay.
