Nagsagawa ng fumigation ang pamahalaan ng Angeles City sa Lourdes Northwest Elementary School, Brgy. Lourdes, Angeles City, Pampanga nito lamang Sabado ika-1 ng Marso 2025.
Ang naturang aktibidad ay programa ng ama ng lungsod na si Mayor Carmelo “Pogi” Lazatin Jr., katuwang ang Angeles City Economic Development Investment Promotions Office (ACEDIPO) na pinamumunuan ni Irish Bonus-Llego.
Kasabay nito, ipinatutupad din ng pamahalaang lungsod ang 4S strategy—Search and Destroy (hanapin at sirain ang mga pinamumugaran ng lamok), Self-Protection Measures (pagsusuot ng proteksyon laban sa lamok), Seek Early Consultation (agad na pagpapakonsulta kung may sintomas ng dengue), at Say Yes to Fogging in Case of Outbreak (pagsang-ayon sa pagpapausok kung may outbreak)—upang maiwasan ang pagkalat ng sakit sa naturang paaralan.
Ayon sa pamahalaang lungsod, magpapatuloy ang pagpapausok sa iba pang pampublikong paaralan sa lungsod upang mapanatili ang kalinisan at kaligtasan ng mga mag-aaral laban sa dengue.
