Napagkalooban ng tulong pinansyal ang apat na dating rebelde sa Cabanatuan City, Nueva Ecija nito lamang Huwebes, ika-4 ng Mayo 2023.
Pinangunahan ito ng Department of Interior and Local Government ng Nueva Ecija katuwang si Police Lieutenant Colonel Oriano Mina, Deputy Provincial Director for Operations ng Nueva Ecija PNP.
Matagumpay na naiabot ang tulong pinansyal para sa mga dating rebelde sa pamamagitan ng Enhanced Comprehensive Local Integration Program o (E-CLIP).
Patuloy ang pagsisikap ng pamahalaan upang makapagbigay ng iba’t ibang tulong sa mga dating rebelde na nagbalik-loob sa gobyerno at masiguro na maipatamasa sa kanila ang iba’t ibang programa para sa kabilang pagbangon tungo sa isang maunlad na pamumuhay sa piling ng kanilang mahal sa buhay.
