Agad na rumesponde ang mga tauhan ng Bureau of Fire Protection at Sagada PNP sa naganap na sunog sa Sagada, Mt. Province nito lamang ika-8 ng Abril 2023.
Ang pagresponde ay pinangunahan ng mga tauhan ng Bureau of Fire protection Sagada at 1st Mt. Province Provincial Mobile Force Company.
Ang mga nasabing grupo ay nagtulong-tulong sa mabilisang pag-apula ng apoy na nagresulta upang mapigilan ang pagkalat ng sunog.
Dahil sa mabilis at agarang aksyon ng mga operatiba ay wala namang naitalang nasaktan o nasugatan sa naturang insidente.
Patuloy naman ang imbestigasyon ng mga nasabing operatiba upang matukoy ang naging sanhi at pinagmulan ng sunog.
