Matagumpay ang isinagawang tulong pinansyal ng Lokal na Pamahalaan ng Paniqui sa mga kababayang magsasaka na ginanap sa Paniqui Auditorium, Tarlac nito lamang Sabado, ika-24 ng Agosto 2024.
Ang naturang proyekto ay pinamunuan ni Mayor Max Roxas at Vice-Mayor Bien Roxas.
Ayon kay Mayor Roxas, dama ng mga magsasaka ang kanilang pagtitiyaga upang masiguro ang patuloy na tulong sa programa ng Financial Assistance ng bayan.
Labis naman ang pasasalamat at tuwa ng mga 999 na benipesyaryo na nakatanggap ng tulong pinansyal na nagkakahalaga ng Php5,000 bawat isa.
Layunin ng proyekto na ipakita ang pagtitiyaga at malasakit ng lokal na pamahalaan sa pagpapabuti ng kalagayan ng mga magsasaka sa kanilang komunidad.
