Mahigit 1,492 rehistradong Senior Citizens ng Barangay Sapangbato, Angeles City ang nakatanggap ng Cash Assistance at Vitamin C Supplements mula kay Mayor Carmelo Lazatin Jr. nito lamang Miyerkules, ika-15 ng Mayo 2024.
Matagumpay na naisagawa ang naturang aktibidad sa pamumuno ni Mayor Lazatin katuwang si Mr. Eduardo Torres, Miyembro ng Senior Citizens Affairs.
Tumanggap ng tig-isang libong cash assistance at pangtatlong buwan na supply ng Vitamin C Supplements ang mga benepisyaryo. Hindi maipintang tuwa at labis na pasasalamat ang kanilang nadarama dahil kabilang sila sa mga prayoridad ni Mayor Lazatin.
Patuloy ang pagbibigay ng serbisyo at pakikilahok sa iba’t ibang programa ng ating pamahalaan, lalo na sa sektor ng kalusugan, upang matulungan at bigyan ng pag-asang magkaroon ng malusog at masayang pamumuhay ang ating mga senior citizen.
Source: Angeles City Information Office
