Nagbigay kaalaman ang Pamahalaang Lungsod ng Tarlac patungkol sa epektibong pagpapamilya sa mga residente ng Barangay Sapang Tagalog, Tarlac City nito lamang Martes, ika-28 ng Pebrero 2023.
Ito ay sa pamumuno ni Mayor Cristy Angeles katuwang ang mga tauhan ng Tarlac City Population Commission Office.
Ang naturang aktibidad ay kaugnay sa programang Anghel Kaalaman Para sa Matatag na Pamilyang Tarlakenyo kung saan nagbigay ng kaalaman patungkol sa responsableng pagpapamilya gaya ng wastong paggamit ng contraceptives.
Patuloy ang Pamahalaang Lungsod ng Tarlac sa pagsasagawa ng mga aktibidad para sa ikabubuti ng mga mamamayan sa kanilang nasasakupan.
