Sugatan ang isang pilotong Japanese National matapos bumagsak ang kanyang minamanehong aircraft sa madamong lugar ng Sitio Talimundok, Barangay Sta. Maria, Magalang, Pampanga nito lamang Linggo, ika-25 ng Hunyo 2023.
Ayon sa ulat ng Magalang PNP, bandang 2:08 ng hapon pinalipad ng biktima ang isang Light Spot Zenith Aircraft, pasado naman 4:00 ng hapon, nakatanggap ng report ang Magalang PNP sa pagbulusok ng nasabing aircraft.
Kinilala ang biktima na si Takayoshi Taguchi, 67 anyos, isang miyembro ng Angeles City Flying Club at residente ng Condotel, Angeles City.
Dali daling itinakbo ng mga awtoridad sa John Paul II Medical Center ang nasabing biktima para sa agarang gamutan na nagtamo ng mga sugat sa katawan at kasalukuyan nang nagpapagaling.
Kaugnay sa nangyaring insidente, patuloy ang imbestigasyon ng mga awtoridad sa sanhi ng pagbagsak ng nasabing aircraft.
