Ipinagdiwang ng Department of Social Welfare and Development Field Office 2 sa pamamagitan ng Community Based Services Section ang 2023 World Day Against Child Labor in the Philippines noong Hunyo 27, 2023 sa Cordon, Isabela.
Ang World Day Against Child Labor ay naglalayon na ituon ang pansin sa pandaigdigang lawak ng child labor at ang aksyon at pagsisikap na kailangan upang maalis ito.
Bawat taon, pinagsasama-sama ang mga yunit ng gobyerno, mga tagapag-empleyo at organisasyon ng manggagawa, at mamamayan upang bigyan ng tuon ang kalagayan ng mga batang manggagawa at kung ano ang maaaring gawin upang matulungan sila.
Dumalo rin sa pagdiriwang ang mga miyembro ng inter-agency mula sa rehiyon. Ang mga ahensya tulad ng Philippine National Police – Women and Children Protection Desk, Technical Education and Skills Development Authority, Department of Education, Department of Health, Department of Labor and Employment, Local Government Unit of Cordon, Isabela ay nagbigay din ng tulong pinansyal, scholarship, cash, trabaho, at mga health kit sa mga Child Laborers.
Nagbigay din ang DSWD FO2 ng tulong pinansyal sa mga Child Laborers, na nagkakahalaga ng Php3,000 bawat isa, sa ilalim ng Strategic Help Desks for Information, Education, Livelihood, and other Developmental Interventions (SHIELD) Project Against Child Labor.
“Bilang mga child laborer, ito ay nagsisilbing malaking tulong para sa amin. Ang karagdagang kita na ito ay hindi lamang makakatulong sa atin sa paaralan, kundi pati na rin sa pagbili ng mga kailangan na gastusin ng ating sambahayan”, ani “EJ”, isang Child Laborer mula sa Cordon.
Binigyang diin din sa pagdiriwang ang mga pagtalakay sa Republic Act 9231 o ang Anti-Child Labor Act, at SHIELD Project ng DSWD laban sa Child Labor.
Source: DSWD FO2
