Nagsagawa ng First Aid Training ang Department of Social Welfare and Development Field Office 1 para sa mga Community Volunteers ng San Fernando City, La Union nito lamang Linggo, ika-21 ng Mayo 2023.
Itinuro sa mga kalahok ang basic first aid na magagamit kapag may emergency sa kanilang pamilya o habang ginagampanan ang kanilang tungkulin bilang isang volunteer.
Bukod pa rito, tinalakay rin ang psychosocial support processing na makakatulong sa pagpapataas ng kumpiyansa sa sarili ng bawat volunteers kung paano mag-relieve ng stress upang hindi humantong sa depresyon, at ma-improve ang working relationship ng mga volunteers, DSWD at komunidad.
Samantala, patuloy naman ang DSWD Field Office 1 na ilapit ang mga mamamayan sa kanilang serbisyo para mas guminhawa ang kanilang pamumuhay.
