Sama-samang nagbigay ng tulong ang mga miyembro ng Department of Social Welfare and Development (DSWD) Aparri, Cagayan sa mga pamilyang naapektuhan ng lindol sa Aparri, Cagayan noong Oktubre 27, 2022.
Sa pamumuno ni Mrs. Lucia Suyu-Alan, Regional Director ng DSWD FO2 at pakikipagtulungan ng LGU Aparri, nagbigay ng Php10,000 bilang financial assistance, family food pack, non-food items, hygiene at sleeping kit na pangunahing kailangan ng bawat pamilya.
Sobrang nagpasalamat ang mga pamilyang nabigyan ng tulong para sa kanilang pag-uumpisa muli na makapagpaayos ng mga nasirang tahanan.
Ayon kay DSWD, RD Alan, mainam na nangunguna ang DSWD at LGU na magbigay tulong sa mga apektado ng anumang kalamidad upang mabigyan sila ng agarang tulong at pangangailangan ng mga nasasakupan.
Source: DSWD Region II
