Ipinag-utos ni Regional Executive Director Gwendolyn Bambalan ng Department of Environment and Natural Resources (DENR) Region 2 na mas lalong higpitan ang pagbabantay laban sa illegal logging sa Cagayan Valley kasunod ng dalawang magkasunod na insidente ng pangambang nangyari sa lalawigan ng Nueva Vizcaya.
Noong Setyembre 14, ngayong taon, muling nahuli ng Opisina ng Provincial Environment and Natural Resources ng Nueva Vizcaya sa pamamagitan ng Cagayan Valley Product Monitoring Station (CAVAPROMS) ang mahigit apat na milyong pisong (Php4,000,000) halaga ng narra lumber.
Ang narra lumber, na lulan ng 14-wheeler cargo truck, ay naharang ng mga tauhan ng DENR na nakatalaga sa south exit monitoring point na matatagpuan sa Barangay Calitlitan sa bayan ng Aritao. 281 piraso ng kahoy ang nakumpiska na may kabuuang volume na 8,155 board feet ay undocumented at walang legal na travel documents na nagmula sa Barangay Buwaya, Balbalan sa Kalinga Province.
Kahit ang mga kontrabandong produkto ng kagubatan ay hindi nagmula sa Rehiyon 2, pinalalakas ng rehiyon ang mga hakbangin sa pagsasama-sama ng proteksyon sa kagubatan kasama ang Rehiyon 1 at Cordillera Administrative Region para sa isang mahigpit na kampanya laban sa ilegal na pagtotroso ng Kagawaran.
Nauna sa kanyang direktiba, inutusan ng Regional Environment Chief ang lahat ng forest protection officers na namamahala sa mga checkpoint sa rehiyon na tiyaking walang conveyance o forest product na walang transport permit ang makakadaan sa checkpoint.
Noong Setyembre 12, 2022, nauna na ring nahuli ang dalawang hi-ace van na naglalaman din ng mga ilegal na troso na nagkakahalaga ng mahigit Php800,000 sa Pangasinan.
Pinasalamatan naman ni Red Bambalan ang PNP dahil sa kanilang agarang aksyon upang mahuli at makumpiska ang mga ilegal na kahoy.
Hinikayat din ng ahensya ang publiko na makipagtulungan at ipagbigay alam sa kanilang tanggapan o sa mga otoridad kapag may nagsasagawa ng ilegal na pagtotroso.
Source: DENR Region 2
