Bilang pagsisimula ng National Public Market Week, nakilahok ang lokal na pamahalaan ng Bacnotan sa mga aktibidad ng Asosasyon ng mga Tindera sa Bacnotan, La Union na ginanap sa Bacnotan Public Market, nito lamang ika-31 ng Mayo 2023.
Hindi natinag ng ulan ang mga kalahok upang makisaya sa Zumbacnotan sa palengke kasama ang market vendors at maging si Mayor Divine Fontanilla at ilang kawani ng LGU Bacnotan.
Nagpatuloy rin ang iba pang aktibidad ng mga tindero’t tindera ng public market pagkatapos ng naturang aktibidad.
Samantala, patuloy naman ang pakikiisa ng lokal na pamahalaan ng Bacnotan sa layuning pagandahin ang kalagayan ng public market ng sa gayon ay mas maging maayos din ang kalagayan ng market vendors at mamimili.
Source: Bacnotan, La Union
