Dagupan City, Pangasinan – Sumailalim sa Psychological First Aid Training for VAWC Client ang mga City Social Welfare and Development Office (CSWDO) service providers sa bayan ng Dagupan City, Pangasinan nito lamang Disyembre 5, 2022.
Ang aktibidad ay para sa pagpapahusay pa ng aksyon laban sa mga kaso ng pang-aabuso sa kababaihan at mga bata o Violence Against Women and their Children (VAWC) tulad ng Rape, Suicide, Bullying at iba pang kahalintulad na insidente.
Isa ang Anti-VAWC sa mga programang isinusulong ng lokal na pamahalaan sa ilalim ng administrasyon ni Mayor Belen Fernandez at pangunahing dahilan ng pagtatag ni Mayor Belen ng Women’s Center sa kanyang unang termino bilang punong lungsod.
Ayon pa sa nasabing aktibidad katuwang ng CSWDO sa pamumuno ni OIC Irene Ferrer ang Rotary Club of Updown Dagupan 2000 sa nasabing aktibidad.
